09.12.2011
Скопје
10-ТИ ДЕКЕМВРИ – ДЕН НА ЧОВЕКОВИТЕ ПРАВА
Денешниот ден – Денот на човековите права, оваа година го посветуваме на бранителите на човековите права и на медиумите, кои во своето функционирање имаат суштинско значење за промоцијата на човековите права како и за јакнење на свеста за начинот на нивната заштита.
Човековите права се основа за градење слобода, мир и правда. Бранителите на човековите права играат суштинска улога во заштитата од какви било повреди и за почитување на универзалниот принцип на еднаквост.
Одбележувајќи го денешниот ден, Народниот правобранител потсетува на потребата за поголема промоција и заштита на човековите слободи и права во нашето општество, како и за обврската на државата се повеќе да ги поддржува активностите за постигнување на овие цели.
Денот на човековите права претставува добра можност за поздравување на сите активности на познатите и непознати бранители на човекови права, што треба да претставува инспирација за сите нас во насока на јакнење на нашите напори за поголем ангажман на овој план.
НАРОДЕН ПРАВОБРАНИТЕЛ