05.02.2020
Скопје
СРЕДБА НА НАРОДНИОТ ПРАВОБРАНИТЕЛ СО АМБАСАДОРКАТА НА САД ВО РЕПУБЛИКА СЕВЕРНА МAКЕДОНИЈА
Народниот правобранител, г. Иџет Мемети оствари средба со амбасадорката на Соединетите Американски Држави во Република Северна Македонија, Н.Е. Кејт Мари Брнз.
На средбата се разговараше за состојбата со човековите слободи и права и можностите за ефикасна заштита на истите од страна на Народниот правобранител, соработката со државните органи, граѓанскиот сектор и медиумите, како и за предизвиците со кои се соочува институцијата во практикувањето на новите надлежности.
Препознавајќи ја значајната улога на Народниот правобранител како независна институција за развојот на демократските процеси во државата и владеењето на правото, амбасадорката нагласи дека Амбасадата на САД ќе продолжи да изнаоѓа можности за соработка и за поддршка на Институцијата.