Lajme dhe Ngjarje
16-11-2010
QËNDRIMI I AVOKATIT TË POPULLIT PËR DITËN E TOLERANCËS
Edhe përkundër detyrimit ligjor, qendrat për punë sociale nuk marrin aktvendime për mbikëqyrjen e ushtrimit të së drejtës prindërore, në rastet kur evidentohet fëmijë-viktimë e trafikimit. Vetëm në një rast, qendra e ka marrë përkohësisht të drejtën prindërore, ndërkaq në një rast tjetër është marrë vendim gjyqësor për marrjen e së drejtës prindërore. Numri më i madh i fëmijëve-viktima të trafikimit me njerëz mbeten nëpër familjet e tyre, ndërkaq ata që kanë qenë të vendosur nëpër qendra strehimi ose në ndonjë institucion tjetër janë kthyer në familjet e tyre. Gjithashtu, nuk ekziston qendër shtetërore për vendosjen e fëmijëve viktima.”
Këto janë një pjesë e konstatimeve të Avokatit të Popullit të dhëna në Informatën e veçantë, e cila ka të bëjë me dukurinë e trafikimit me fëmijë në Republikën e Maqedonisë. Informata është hartuar sipas të dhënave të siguruara nga institucionet kompetente.
Me qëllim të tejkalimit të këtyre gjendjeve, Avokati i Popullit, mes tjerash, rekomandon realizimin e një edukimi të posaçëm të fëmijëve për dukurinë e trafikimit dhe formave e trajtave të ndryshme të tij. Njëherësh është e domosdoshme hapja e qendrave të strehimit për vendosjen e fëmijëve viktima, ndërkaq fëmijët të ndahet mbi bazë të gjinive. Një nga rekomandimet është që qendrat për mbrojtje sociale të përpilojnë plane për punë individuale me fëmijët-viktima të trafikimit.