16-11-2010
QËNDRIMI I AVOKATIT TË POPULLIT PËR DITËN E TOLERANCËS
Qytetarë të nderuar,
Sot, në Ditën Ndërkombëtare të Tolerancës t’i përkujtojmë edhe një herë vlerat themelore që e karakterizojnë një shoqëri demokratike. Drejtësi, liri, barazi!
Të gjitha këto nuk mund të bëhen realitet nëse nuk bëjmë përpjekje për t’i kuptuar dhe pranuar divergjencat.
Baza e çdo ideje për të drejtat e njeriut është barazia dhe trajtimi i barabartë për të gjithë.
Moskuptimi dhe jotoleranca e asaj që është më tjetër dhe më ndryshe paraqet rrënjën e konflikteve dhe tensioneve, ndërkaq nuk duhet të harrojmë se Republika e Maqedonisë është shoqëri e cila karakterizohet me një varg divergjencash nga shumë aspekte.
Mësimi dhe mirëkuptimi i së ndryshmes është hapi i parë drejt vendosjes së marrëdhënieve të shëndosha demokratike.
Pranimi i divergjencave është bazë e respektimit të të drejtave të të gjithë njerëzve në një shoqëri. Prandaj, të mos e kthejmë kokën nga ajo që është e ndryshme. Por, ta shikojmë, kuptojmë, pranojmë dhe ta respektojmë atë.
T’i harrojmë fjalët e urrejtjes, të cilat kontribuojnë vetëm për thellimin e mospranimit të divergjencave.
T’ia shtrijmë dorën tonë atij që gjendet pranë nesh duke i respektuar të drejtat e tij, ta mundësojmë respektimin e të gjithë individëve në këtë shoqëri!
Duke e pasur parasysh idenë e shënimit të kësaj dite, Avokati i Popullit i fton të gjithë qytetarët ta shikojnë shfaqjen teatrale “Të njëjtë në mënyrë të ndryshme”, e cila do të shfaqet në Teatrin e Dramës në Shkup, më datë 21.11.2010 në ora 20:00 dhe më datë 28.11.2010 kohën e njëjtë në teatrin e Dramës.
AVOKATI I POPULLIT