06-07-2017
06.07.2017, Tetovë
OMBUDSMANI – NDËRMJET QYTETARËVE DHE INSTITUCIONEVE
Në kuadër të Projektit: “Monitorimi qytetar i Avokatit të Popullit”, i mbështetur nga Ambasada e SHBA-ve në Republikën e Maqedonisë, Avokati i Popullit, z. Ixhet Memeti dhe Zëvendësja e Avokatit të Popullit, znj. Irina Stojanovska morën pjesë në debatin: “Ombudsmani-ndërmjet qytetarëve dhe institucioneve”, i cili u mbajt në organizim të OJQ-ve, Info-Qendrës dhe Komitetit të Helsinkit në Tetovë.
“Institucioni gjithmonë duhet ta ndjek pulsin e qytetarëve dhe nevojave të tyre, dhe të jep përgjigje në disa pyetje, siç janë: A i mbron dhe si i mbron Ombudsmani qytetarët dhe të drejtat e tyre para institucioneve shtetërore?; A e identifikojnë qytetarët Ombudsmanin si mbrojtës të tyre?; A veprojnë institucionet shtetërore sipas sugjerimeve të Ombudsmanit?; A ka Ombudsmani reputacion të institucionit të fuqishëm, me autoritet dhe të pavarur në publikë? – theksoi Avokati i Popullit z. Ixhet Memeti.
Për dobësitë për të cilat ankohen qytetarët lidhur me funksionimin e pushtetit lokal dhe për mënyrën në të cilën institucioni në nivel lokal përballet me evitimin e problemeve, si dhe aktiviteteve të cilat ndërmerren për përafrimin e institucioneve deri te qytetarët, në këtë debat pjesëmarrësve iu drejtua znj. Irina Stojanovska, Zëvendëse e Avokatit të Popullit në zyrën e Tetovës.