Дома > Прашања и одговори

Прашање од областа на работните односи

За време на мисијата ми исплакаат плата по правилникот за дипломатски и конзуларни претставништва а ние таму сме во база со зголемени мерки на борбена готовност и не ни е допуштен излез од базата т.е не извшуваме задачи по потрба во секое време. Дали не следуваат дневници за секој поминат ден во мисија како и во Македонија кога сме на зголемени мерки на борбена готовност согласно законот за служба во АРМ. Бидејќи ни исплатуваат плата само за работни денови за осум часовно време.

Народниот правобранител имајќи ги предвид законските одредби од областа на одбраната и работните односи смета дека во конкретниов случај доколку беше предвидена таква законска можност истата досега на Вам и останатите од страна на органот ќе Ви била исплатена.
Според законските одредби Вие како воени претставници имате дипломатски статус и за Вас со ваквиот статус важат прописите како за вработените во дипломатско-конзуларните претставништва на Република Македонија, односно дека Вие остварувате плата и надоместоци од плата согласно Уредбата за начинот и постапката за утврдување на плата, додатоци на плата и надоместоците на определени трошоци во дипломатско-конзуларните претставништва на Република Македонија и согласно Законот за надворешни работи. Во горенаведените законски одредби не е предвидена можност за исплата на дневница поради зголемени мерки на борбена готовност.
Но Народниот правобранител Ви укажува дека доколку Вие сметате дека со неисплатувањето на дневница поради зголемени мерки на борбена готовност Ви се врши повреда на Вашите права од работен однос за тоа можете да се обратите до работодавецот, до инспекциските служби или пак да иницирате постапка пред надлежниот суд.