17.10.2008
ЗАВРШИ КАМПАЊАТА “ОТВОРЕНИ ДЕНОВИ НА НАРОДНИОТ ПРАВОБРАНИТЕЛ„
Со посета на скопската општина Аеродром на 24-ти октомври заврши Кампањата “Отворени денови на Народниот правобранител„ која беше поддржана од Мисијата на ОБСЕ во Македонија и Шведската Меѓународна агенција за развој СИДА, а која почна на 11-ти септември во тетовската општина Теарце.
Во текот на Кампањата беа посетени вкупно 15 општини во државата, дел рурални, дел урбани во кои на граѓаните им беше делен промотивен материјал, беа запознавани со надлежностите на институцијата Народен правобранител и беа примени над 200 претставки.