Новости и настани
23.03.2014
Скопје, 24.03.2014
АПЕЛ ОД НАРОДНИОТ ПРАВОБРАНИТЕЛ
Народниот правобранител, во пресрет на кампањата за претседателските и предвремените парламентарни избори, упатува апел до сите чинители во изборниот процес за неопходната потреба за водење сметка за најдобриот интерес на детето, односно да се воздржуваат од инволвирање на децата во изборните кампањи. Тоа значи одбегнување на сите обиди за евентуална манипулација, како и злоупотреба на децата за партиско-политички цели.
Апелот го упатувам со цел да не се повторуваат случаите од минатите изборни циклуси во кои децата беа користени во политички настани, спотови и билборди. Исто така, потсетувам дека злоупотребата на децата за политички цели се смета за кршење на нивните слободи и права, а со тоа и прекршување на сите меѓународни и домашни правила за заштита на правата на детето.
Народниот правобранител истовремено ги повикува и медиумите да се приклучат кон овој апел, со цел одбегнување на можните злоупотреби на децата за политички цели. Во таа насока медиумите треба да се воздржат од емитување на платени политички програми или пораки доколку во нив се опфатени и децата.
НАРОДЕН ПРАВОБРАНИТЕЛ