22.03.2019
22-23 03.2019, Дубровник, Република Хрватска
РЕГИОНАЛЕН ФОРУМ ЗА ВЛАДЕЕЊЕ НА ПРАВОТО
Заменичката на народниот правобранител г-ѓа Васка Бајрамовска -Мустафа и државниот советник Вјолца Рушај, учествуваа на шесттиот Регионален форум за владеење на правото во Југоисточна Европа, што се одржа во Дубровник, Република Хрватаска во организација на AIRE Центар и Civil rights defenders.
На овој Форум учествуваа 170 претставници од судството (врховни судови, уставени судови, судските совети), академиите и институциите за обука во правосудството, владините агенти пред Судот во Стразбур, како и претставници на невладините организации од Албанија, Босна и Херцеговина, Хрватска, Косово, Северна Македонија, Црна Гора ,Србија, Турција и Унгарија, а се водеа дискусии за правата на детето, односно најдобриот интерес на детето во постапувањето на надлежните судови, и праксата на Европскиот суд за човекови права, за прашања поврзани со семејното насилство (каде децата се жртви и сведоци), трговија со луѓе, азил, старателство и грижа за децата, како и пристап до правда за децата.
Целта на овој Форум беше да се промовира спроведувањето на Европската конвенција за човекови права на национално ниво, да се поттикне регионалната соработка во услови на континуиран развој на владеењето на правото и човековите права и да помогне во процесот на интеграција на регионот во ЕУ.