19.11.2018
19.11.2018, Софија, Република Бугарија
РЕГИОНАЛЕН ФОРУМ НА ОМБУДСМАНИТЕ ОД БАЛКАНОТ
Заменик народониот правобранител г-ѓа Васка Бајрамовска Мустафа заедно со тројца претставници од канцеларијата на Народниот правобранител учествува на Регионалниот форум на Омбудсманите од Балканот, кој под покровителство на Омбудсман канцеларијата на Република Бугарија се одржа во Софија, а на кој Институцијата Народен правобранител на Република Македонија имаше улога на коиницијатор.
На Форумот беше договорено формирање на платформа за вмрежување на Омбудсман институциите од регионот на Југоисточна Европа.Оваа неформална мрежа има за цел размена на искуства и пракси, но и заедничко дејствување по прашања од интерес на овие национални институции за човекови права.
За официјализирање на оваа мрежа се потпиша Декларација од страна на Омбудсманите на Бугарија, Македонија, Албанија, Грција, Косово, Црна Гора, Србија, Романија, Молдавија, Хрватска, додека Босна и Херцеговина својот влез во мрежата ќе го потврди по внатрешен консензус на тројцата национални омбудсмани.
На Форумот договорено е претседавањето со мрежата да биде ротирачко, на секои шест месеци, а следната средба од ваков вид ќе се одржи во мај, следната година во Букурешт, Република Романија.