28.06.2016
28-29.06.2016 година, Будва, Црна Гора
МЕЃУНАРОДНА КОНФЕРЕНЦИЈА ЗА ПРАВНА ЗАШТИТА ОД ДИСКРИМИНАЦИЈА ВО ЈУГОИСТОЧНА ЕВРОПА
Претставник на Народниот правобранител учествуваше на меѓународната конференција за правна заштита од дискриминација што под покровителство на Германската институција за меѓународна соработка се одржа во Будва, Република Црна Гора на 28 и 29 јуни.
Во фокусот на конференцијата беше регионалната соработка во Југоисточна Европа по однос на прашањето за подобра правна заштита од дискриминација. На конференцијата беа презентирани поединечни истражувања изработени за секоја земја од регионот, како и компаративна анализа.
Учесниците на конференцијата имаа можност во засебни работни групи да дискутираат на две теми, и тоа правното образование и обуките за антидискриминација во регионот на Југоисточна Европа, како и јакнење на капацитетите на земјите од регионот по однос на ова прашање.
На конференцијата земаа учество претставници од Омбудсман институциите на земјите од регионот, комисии за антидискриминација, министерства за труд и социјална работа, како и претставници од невладиниот сектор.