Меѓународни активности
10.02.2014
10.02.2014,Љубљана,Република Словенија
ЗАЕДНИЧКА ИЗЈАВА НА ОМБУДСМАНИТЕ ОД РЕГИОНОТ
На 10 февруари во Љубљана во организација на Централно европската иницијатива (ЦЕИ), Советот за регионална соработка и Европската Унија се одржа состанок на омбудсманите од регионот на кој беше договорено унапредување на понатамошната соработка во регионот, а омбудсманите усвоија и заедничка изјава.
Омбудсманите на Албанија, Босна и Херцеговина,Црна Гора, Хрватска, Косово , Македонија, Словенија и Србија ги повикуваат властите од своите земји да покажат поголема грижа, сензибилност и доследност во решавањето на прашањата од областа на економските и социјалните права на граѓаните, затоа што непочитувањето на овие права е најголема закана за човековите права во целина.
Обудсманите посебно укажуваат на потребата постојните проблеми да се решаваат низ широк општествен дијалог и целосно почитување на виталните интереси на најзагрозените групи од населението.
Почитувањето на човековите права и владеењето на правото во секоја ситуација, а особено во случаите кога граѓаните го изразуваат своето незадоволство за сите власти е императив, што омбудсманите секојдневно ќе го надгледуваат.