Активности
16.12.2014
16.12.2014, Скопје
ТРИБИНА ЗА ТРЕТМАН И ГРИЖА НА ДЕЦАТА КОИ УПОТРЕБУВААТ ДРОГИ
„Проблемот со децата кои употребуваат дроги треба сите да не загрижува затоа што станува збор за ранлива категорија на лица на која и треба посебна грижа и заштита. Од овие причини потребен е сеопфатен систем на нивна заштита, со цел искоренување на оваа девијантна појава, како и поголема комуникација помеѓу надлежните институции, но и поголема едукација кај децата“
Ова меѓу другото го рече народниот правобранител г. Иџет Мемети на отворањето на работилницата на тема „Третман и грижа на децата кои употребуваат дроги“, што во организација на канцеларијата на Народниот правобранител и невладината организација ХОПС се одржа во Скопје.
За состојбата со децата кои употребуваат дроги зборуваше заменик-народниот правобранител г-ѓа Васка Бајрамовска - Мустафа, додека за искуствата и третманот на децата кои употребуваат дроги говореа г-ѓа Аспасија Софијанова, дирекотор на Клиниката за детски болести и г-ѓа Марија Ралева раководител на Одделението за детска адолесцентна психијатрија при Клиниката за психијатрија. На тема третманот на младите лица зависници од дрога зборуваше Лилјана Игњатова од Центарот за третман и превенција на зависности –Кисела Вода во Скопје.