06.11.2017
06.11.2017, Скопје
ПОСЕТА НА СТУДЕНТИ ОД „МИТ“ УНИВЕРЗИТЕТОТ НА КАНЦЕЛАРИЈАТА НА НАРОДНИОТ ПРАВОБРАНИТЕЛ
Студенти од Факултетот за безбедносни науки при „МИТ“ Универзитетот, под менторство на доц. д-р Кире Бабаноски ја посетија канцеларијата на Народниот правобранител, при што остварија средба со заменик народниот правобранител г-ѓа. Васка Бајрамовска- Мустафа.
Посетата беше организирана во рамките на наставата по предмети од областа на безбедноста, особено контролата и надзорот над безбедностиот систем. Па така, во рамките на посетата студентите проследија презентација за функциите, делокругот на надлежности и улогата на Народниот правобранител во превенција, промоција и заштитата на човековите слободи и права, со посебен акцент на полициските овластувања, соработката со Народниот правобранител, заштитата од дискриминација и начелото на соодветна и правична застапеност.
Студентите меѓу другото, пројавија интерес за начинот на кој се врши прием на граѓаните во институцијата и постапувањето по поднесени претставки, особено за ефикасноста на инструментите кои Народниот правобранител ги користи за контрола на работата на органите на државната управа и органите и организациите со јавни овластувања.