06.07.2017
06.07.2017, Тетово
ОМБУДСМАНОТ-МЕЃУ ГРАЃАНИТЕ И ИНСТИТУЦИИТЕ
Во рамки на проектот „Граѓански мониторинг на Народниот правобранител“, поддржан од Амбасадата на САД во Република Македонија, Народниот правобранител г. Иџет Мемети и заменик-народниот правобранител г-ѓа Ирина Стојановска учествуваа на дебата „Омбудсманот-меѓу граѓаните и институциите“, што се одржа во организација на НВО Инфоцентарот и Хелсиншкиот комитет во Тетово.
„Институцијата секогаш треба да го следи пулсот на граѓаните и нивните потреби, и даде одговор на неколку прашања , како што се: Дали и како Омбудсманот ги штити граѓаните и нивните права пред државните институции?, Дали граѓаните го препознаваат Омбудсманот како свој заштитник?, Дали државните институции постапуваат според укажувањата на Омбудсманот?, Дали Омбудсманот има репутација на силна, авторитетна и независна институција во јавноста? истакна Народниот правобранител г. Иџет Мемети.
За слабостите на кои се жалат граѓаните од функционирањето на локалната власт и начинот на кој институцијата на локално ниво се справува со остранувањето на проблемите како и активностите кои се преземаат за доближување на институцијата до граѓаните, до учесниците на дебатата се обрати г-ѓа Ирина Стојановска, Заменик народен правобранител во канцеларијата Тетово.