05.05.2016
05.05.2016, Скопје
СРЕДБА НА СРЕДНОШКОЛЦИ ОД НЕКОЛКУ СРЕДНИ УЧИЛИШТА СО ЗАМЕНИК НАРОДНИОТ ПРАВОБРАНИТЕЛ
Триесетина средношколци од СУГС „Орце Николов“, СУГС „Панче Арсовски“; СУГС „Јосип Броз Тито“,Јахја Кемал Колеџ Бутел; АСУЦ „Боро Петрушевски“ СУГС „Зеф Љуш Марку“; СУГС „Цветан Димов“ и СУГС „Раде Јовчевски – Корчагин“ и членови на „Учиме право“ клубовите, предводени од нивните ментори при Младински образовен форум (МОФ), ја посетија Канцеларијата на Народниот правобранител на Република Македонија во Скопје, каде што беа примени од заменик народениот правобранител г.ѓа Васка Бајрамовска Мустафа.
Учениците на средбата се интересираа за мандатот и улогата на Народниот правобранител како орган за заштита на правата на граѓаните, начинот на избор на првиот човек на оваа институција и неговите заменици, за правата на граѓаните и најчестите повреди, со посебен акцент на правата на децата и младите во различни сфери, вклучително и во образованието. Воедно, споделија размислувања за квалитетот и содржината на образованието во однос на правата на децата, како и за различни теми и состојби во општеството кои ги засегаат и нив како млада популација.
Заменик народениот правобранител ги запозна учениците со поставеноста на Народниот правобранител, надлежностите и начинот на постапување по претставките на граѓаните или по предметите оформени по сопствена иницијатива, потенцирајќи ја важноста од поголемо учество и реагирање на средношколците во случаи на повреда на нивните права, а ги информира и за можноста да се обратат до овој орган заради правен совет или доставување претставка за заштита на правата.