Lajme dhe Ngjarje
02-04-2019
Shkup
ANKETË: “ÇKA MENDOJNË QYTETARËT PËR AVOKATIN E POPULLIT”
“Dy e treta e qytetarëve (66,6%) e dinë se ekziston institucioni Avokat i Popullit, ndërsa një numër i konsiderueshëm janë të informuar me një pjesë të kompetencave themelore të tij. Për Avokatin e Popullit më së shumti janë të informuar të anketuarit e pjesës lindore - 85,2%, ndërsa më së paku ata të Rajonit të Pollogut – 43,8%. Qytetarët e rritur janë më shumë të informuar për Avokatin e Popullit, ndërsa të rinjtë e moshës nga 18 deri në 29 vjet, janë më së paku të informuar për ekzistimin e këtij Institucioni.
Një pjesë e madhe e qytetarëve (76,3%) janë të gatshëm t’i drejtohen Avokatit të Popullit në rastet kur u cenohet ndonjë e drejtë. Kjo përqindje e lartë tregon se qytetarët e identifikojnë këtë institucion si mbrojtës së të drejtave të tyre, kundrejt institucioneve shtetërore dhe publike”.
Këto janë një pjesë e rezultateve të Anketës të cilat u prezantuan në kuadër të projektit “Vëzhgimi civil i Avokatit të Popullit” të cilin OJQ dhe Info-Qendra e zbatoi me mbështetjen e Ambasadës së Shteteve të Bashkuara të Amerikës, qëllimi i së cilës ishte të përcaktohen perceptimet dhe qëndrimet e qytetarëve për punën dhe performansat e Institucionit të Avokatit të Popullit.
Të dhënat se pothuajse se gjysma e të anketuarve nuk e dinë se ku dhe si t’i drejtohen Avokatit të Popullit, e vënë në dukje nevojën për promovimin dhe dukshmërinë më të madhe për kompetencat e tij. Gjithashtu, anketa tregon se qytetarët Avokatin e Popullit e perceptojnë si profesionistë dhe transparentë në punën e tij.