29-03-2007
Takim plotësues për dimensionin njerëzor
Më datë 29 dhe 30 mars të vitit 2007, Avokati i Popullit i Republikës së Maqedonisë, z. Ixhet Memeti qëndroi në Vjenë, ku mori pjesë në njërin nga takimet plotësues për dimensionin njerëzor, të cilin e organizoi Kancelaria e Institucioneve Demokratike për të Drejtat e Njeriut (ODIHR), pranë Organizatës për Siguri dhe Bashkëpunim në Evropë (OSBE). Tema e këtij takimi ishte: “Liria e tubimit, asociacionit dhe shprehjes së lirë - përforcon pjesëmarrjen e plotë dhe të barabartë të shoqërive pluraliste”. Punimet e këtij takimi u zhvilluan në tre sesione: Liria e tubimeve në rajonin e OSBE-së (sfidat dhe mundësitë); Liria e asociacionit të qetë në rajonin e OSBE-së (sfidat dhe mundësitë) dhe Liria e të shprehurit dhe roli i mediave në shoqëritë pluraliste. Së këtejmi, në këtë takim u theksua se shkalla e respektimit të këtyre elementeve që kanë të bëjnë me liritë e njeriut, pasqyron gjendjen e shoqërive, ndërkaq mospërfillja e tyre në të vërtetë është mohimi i pjesëmarrjes së qytetarëve nga ana e qeverive.